الرئيس السيسي: لا يمكن تحقيق الاكتفاء الذاتي الكامل حتى مع التوسع الزراعي
قال الرئيس السيسي إن الدولة تبذل جهودًا كبيرة في قطاعات الزراعة والإنتاج، لكن “مهما الدولة اشتغلت لا يمكن يكون عندها اكتفاء ذاتي من كل السلع”.
قال الرئيس السيسي خلال افتتاح مشروع الدلتا الجديدة التنموي المتكامل بالضبعة، أن ما تحقق في مشروع الدلتا الجديدة، يعكس حجم التعاون بين مؤسسات الدولة، مضيفًا: “لما بقول كده فده لينا كلنا، ولكل اللي بيسمع وبيشوف، علشان يبقوا سعداء بالبلد.. الكلام ده ما كانش ممكن يحصل من غير المصريين وتضافر كل الأجهزة المختلفة”.
وطالب الرئيس السيسي الدكتور بهاء الغنام، بشرح التفاصيل الكاملة الخاصة باختيار الأرض وتجهيز البنية الأساسية لمشروع الدلتا الجديدة، قائلاً: “مش عايزك تستعجل.. إحنا معانا زملاء وإعلاميين ومستثمرين.. ارجع للخريطة بالقمر الصناعي واشرح كل التفاصيل للمواطنين”.
وأضاف الرئيس السيسي، خلال افتتاح مشروع الدلتا الجديدة التنموي المتكامل بالضبعة، أن الهدف من عرض التفاصيل هو توضيح حجم ما تحقق على أرض الواقع، قائلاً: “بنقول ده علشان المصريين يبقوا سعداء بنفسهم، ويعرفوا إن اللي اتعمل فضل كبير من ربنا، وإن فيه وزارات وأجهزة كتير شاركت، زي الري والكهرباء والزراعة، واتصرف مليارات في المشروع ده”.
