السيسي: “17 مليون مشترك بياخدوا الكهرباء أقل من نصف ثمنها”
تطرق الرئيس عبد الفتاح السيسي خلال الجلسة الختامية للمؤتمر الاقتصادى مصر 2022، لأزمة الكهرباء خلال السنوات الماضية، قائلاً: “الناس في أوروبا بتغلي الكهرباء وفقا لتسعيرها، أنا عندى 17 مليون مشترك بديهم الكهرباء أقل من نص تمنها حتى الآن”.
وأضاف الرئيس السيسي : “لو أقدر أساعدك هساعد الكل .. بحاول أخلى اللى إحنا بنعمله مفيد للمستثمرين.. أنا معاكم ومتوافق وداعم ومش كلام دبلوماسي.. مستعد لحوار شفاف وعميق مع أى حد فى أى تخصص”.وأشار إلى الرئيس التعاون لحل مشاكل الدولة المصرية، قائلاً: “كتير من اللى قاعدين هنا.. وناس اقتصاديين.. في بداية 2014 التقيت بهم.. وقولت لهم تحبوا تيجوا تمسكوا الوزارة.. قالوا لا.. احنا لينا تاريخ.. مستخسر تاريخك في بلدك.. انا مش بلوم حد والله ما بلوم حد.. احنا نعرف يعني إيه الحال ده ننجح ولا لا.. خلينا بعيد”.
وتابع الرئيس السيسي: “حد تاني قالى هتديني كام.. انا باخد 2 مليون في الشهر.. قولت له مش هقدر.. قالي سبني بعيد وانا أي نصيحة هقولك عليها”.
واستكمل الرئيس السيسي: “اللى بتكلم فيه في صلب المؤتمر الاقتصادي.. وصلب الحوار الوطني.. عاوزين نشوف بعض ونتكلم حتى لو فيه اختلاف.. طب انا حلت موضوع الموانئ والبينة الأساسية بحاجة تانية.. حد يقولي اطرح القطاع الخاص والأجانب يعملوا ده.. أنا معاك .. بس مفيش وقت اتأخر أكثر من كده.. ومفيش 10 و15 سنة إنى اطرح واستني.. إللى اعرف اعمله أنني أعمل انا.. طب بقت موجودة.. إللى عاوز يتفضل.. لكل الناس بما فيها شركات الجيش.. وشركات الدولة مطروحة ايوه.. ده فرصة للكل”.
